Botándolle unha visuada á Illa de Cabrera no Google Earth a raíz dunha magnífica entrada no blog de Nieves (un caso LOST de comezos do s.XIX), desvieime un pouco cara a Magalluf (Mallorca) pra comprobar se segue existindo ese pedazo de Hotel chamado "Don Manolo" ao que fun de viaxe de Fin de Curso de 3º de BUP. Que tempos aqueles e que ben nolo pasáramos, deixando o pavillón galego ben alto en terras anglo-xermano-baleáricas.

E vós, onde fostes de excursión de fin de de curso en 3º de BUP, 8º de EXB ou como carallo cuadre agora coa ESO?

Etiquetas: cousas miñas, google earth, tempos mozos

Desde que teño internet 24 horas en casa utilizo o ordenador para consultar de todo: pedir cita pró médico, ve-las ofertas de telepizza (ou mellor pizzamovil que son mais ricas e do país), o tempo, os xornais, paso de andar perdido buscando unha rua (paginasamarillas.es e vou coa folla impresa tipo guiri)... e estas vacacións tirei de google earth pra buscar a situación exacta dalgún camping coa información que ia atopando via turgalicia e google.

O caso é que coma non atopei tal, estou comezando a sinalar no google eath a localización exacta de todolos campings de Galicia... por agora so levo uns pouquiños pero co tempo espero telos todos (114 según Turgalicia). Agradécese todo tipo de axuda.

Podedes descargar as "chinchetas" que levo ata o de agora dende aquí ou descargando directamente o ficheiro KML dende aquí

Actualización: A dia 20/8/2006 levo 40 campings. Non estaria mal algo de axuda para localizar algún mais.

Etiquetas: google earth

Acaba de sair Google Earth 4 Beta, a nova versión deste magnífico programa do novo rei Google... pois ben, acabo de instalala e ando a probala nestes momentos e a primeira impresión é bastante boa. O que mais me chama a atención é que melloraron a sección "From..To" que agora se chama "Como Llegar" e funciona de forma similar á Guia Campsa ou calqueira "mapa de estradas" online ou en CD... pós o lugar de orixe e o de chegada e saeche toda a ruta a seguir pra chegar sen problemas ó destino. Mais novidades: é moito mais facil de utilizar e está en español (penso que teremos que esperar bastante pra que saia en galego).

Das cousas menos boas: a toponímia galega segue a estar totalmente desfasada no tempo (uns 40 anos = franquista... nota mental: falar do rumbo que está a tomar a wikipedia española respecto da toponímia galega e doutras zonas "periféricas") e que se queremos opcións mais avanzadas temos que tirar do peto e merca-las versións "Plus", "Pro" ou "Enterprise" (olvídate de serials ou cracks, non van que eu saiba).

Unha cousa mais... rematou a polémica sobre se somos Galiza ou Galicia, Google deu coa solución: chamamosnos GAILCIA e punto. No novo estatuto, aparte de reinvindicar as orixes suevas do pais/nación/nazón/naçóm galega, deberemos troca-lo nome polo adxudicado por Google.

Etiquetas: google earth, informática, toponimia

Ando un pouco decepcionado con Google Earth, hai uns dias fixei-me que na parte d'abaixo da páxina de google poñia "¡Nuevo! Google Maps en España" e como habia moitas zonas (incluso cidades importantes) sen fotografias de resolución aceptable pois abrín rapidamente o Google Earth para comprobar os cámbios: a primeira impresión foi moi boa, a zona de Ferrol agora ve-se perfectamente cumha gran resolución cousa que antes non sucedia... pero trala primeira impresión descobren-se cousas menos boas:

• A Toponímia que usa Google en Galicia/Galiza (e tamén noutras partes do estado) é totalmente desfasada, castellanizada e franquista. Unha proba clara: o "puntito rojo" enriba de "Ferrol" pon "EL FERROL DEL CAUDILLO", manda carallo!!! non só con "El" (erro que ten moitisima xente fora de GZ), senon que tamén lle engaden o "del caudillo".
  
• As fotografias da cidade da Coruña agora son mais actuais pero parece que as fixeran un dia de neboa pechada. Se queredes ve-la diferenza entre o antes e o despois podede-lo ver aquí. Tanto lles custaria esperar a que faga bo tempo para facer as fotos.

Etiquetas: google earth, informática, toponimia