É incrible o moito que custa afacerse a madrugar e o fácil que é "botarse a perder", tan só levo un par de dias ocioso e xa ando co que eu chamo "imsonio inicial", que ten como consecuencia andar esperto ata altas horas da madrugada.

Encho estas horas vendo algunha serie das que teño na emuleteca/torrenteca, facendo algunha tonterida para o blog de deseño e amañando algunha desfeita na plantilla do diario.

Modificar a plantilla ou template dunha bitácora non é tan dificil como a xente pensa, basicamente é o mesmo que facer unha páxina web tradicional pero xogando coas etiquetas ou códigos que nos proporciona o proveedor do servizo, no meu caso blogger. Está claro que para non morrer no intento, temos que ter unhas nocións básicas de HTML, pero cun pequeno tutorial e un pouco de práctica calquer usuario medio pode facer pequenas modificacións no código da plantilla.

Para os mais vagos (ou mais prácticos, ou mais intelixentes, según se vexa :) tamén temos un feixe de páxinas dende as que nos podemos baixar plantillas a esgallo, polo menos para blogger, que é o que eu coñezo.

PD: Como sempre, venme a nostalxia e falando de páxinas web tradicionais: deixo unha ligazón á primeira páxina web que subín a internet... que tempos!.